لعبه تعرفك شويه حاجات عن نفسك

اهلا بيكوا شباب وبنات منتدي سفير السلا م ماحنا هنلعب مع بعض لعبة مختلفة لعبة يمكن تعرفك شويه حاجات عن نفسك
ممكن تركز معايا وتسيبك من اي حاجة
في الحالة دي هقولك اللعبة دي عبارة عن ايه
بكل بساطة انا هسألك شوية اسئلة تقرأ كل سؤال كويس وتفهموه متنقلش علي السؤال الي بعديه غير لما تجاوب السؤال الي انت قرأته وفي الاخر هتفهم دلالة كل سؤال من الاسئلة
يلا نبدأاللعبة
المرحلة الأولي:-
1)السؤال الاول:
دلوقتي ياسيدي انت في غابة اوصف الغابة دي وحاسس بإيه يعني قلقان مطمن فرحان زعلان يلا خد وقتك وفكر
2)السؤال الثاني:
وانت ماشي في الغابة لقيت فنجان في الارض اوصف الفنجان ده شكله ايه وانت ماشي هتخده معاك ولا لأ
3)السؤال الثالث:
بعدين وانت مكمل مشيك فجأة لقيت اسد جي نحيتك هتتعامل مع الاسد ده ازاي
4)السؤال الرابع:
بعد ما تعاملت مع الاسد بالطريقة الي انت قررتها وانت ماشي في الغلبة لقيت بحيرة اوصف البحيرة دي وفكر كده هتنزلها هتقعد عليها هتتجاهلها تماما وتكمل شوف انت هتتعامل معاها ازاي
فاكر اجاباتك كويس؟ عشان احنا دلوقتي هنروح للمرحلة التانية والاخيرة
المرحلة الثانية:-
1)السؤال الاول:
انت دلوقتي في صحراء زي ما وصفت الغابة واحساسك وانت فيها اوصف الصحراء واحساسك وانت فيها
2)السؤال الثاني:
بعد كده وانت ماشي في الصحراء لقيت صندوق شكل الصندوق ده ايه ولما تفتحة هتلاقي فيه ايه
3)السؤال الثالث:
وانت ماشي في الصحراء بعد كده لقيت سلم شكل السلم ده ايه طويل قصير ولو وقفت عليه هيشيلك وانت ماشي هتخده معاك ولا لأ
خلي بالك مهم اوي انك تبقي فاكر اجاباتك
4)السؤال الرابع:
بعدين وانت ماشي في الصحراء لقيت حصان اوصف الحصان ده اوصفه كويس وبالتفاصيل وبعدين فكر كده الحصان ده هيطمنلك و يأمنلك وانت هتتعامل معاه ازاي وهتخده معاك ولا لأ
5)السؤال الخامس:
اخر حاجة وانت ماشي لقيت سور السور طويل وعريض انت مش شايف اخره لاطول ولا عرض هتتعامل مع السور ده ازاي قدامك احتمالات كتير تقعد تحته تستني الفرج تمشي جنبه لغاية لما تجيب اخره شوف ويلا فكر
كده خلصنا
يلا بقي نعرف بسرعة دلالة كل سؤال من دول
الغابة والصحراء هما حياتك الي
انت عيشها فاكر انت وصفتهم
ازاي وكان احساسك فيهم ايه
ندخل بقي علي باقي الحاجات الي كانت في الغابة الاول
الفنجان هما الناس الي انت بتقابلهم
ورأيك فيهم ايه والاسد هو المشاكل
وطريقة تعاملك معاهم البحيرة هي
الحياة العاطفية انت وصفتها وقلت
اذا كنت هتنزلها ولا لأ
فاضل الصحراء
الصندوق هو انت من جوه فاكر انت
لقيت جواه ايه والسلم هو الاصدقاء
عشان كده سألتك هوه هيشيلك ولا لأ
واذا كان طويل ولا قصير اما الحصان
بقي هوه شريك الحياة انت وصفته وقلت
هتتعامل معاه ازاياما السور بقي هوه
بكرة المستقبل طريقة تعاملك مع السور
هيه نفس الطريقة الي بتحاول بيها
تعرف بكرة عامل ازاي

بس كده احنا خلصنا


اتمني من الجميع التفاعل

تحـــــــــــــــــــــيــــــــــــــــــــــاتي

مقبول منك الرد بس كنت حابه ترد امام الجميع


تحياتي