أبعزف لك على اوتار الحزن وابكي| واغني لك |

أبعزف لك على اوتار الحزن وابكي| واغني لك |
قصيدة من الغياب اللي يعذبني وانا |صابر |
ذبحني الشوق لك وانتي بعيدة كيف |ابحكي لك |
عن أوجاع الغياب اللي جرح جفني وأنا |ساهر |
غيابك كلمةتهيض دموعي وين |منديلك....؟ |
تعالي وامسحي دمعٍ على خد القهر| ثاير |
دموع الشوق تتعبني وكلي شوق | أبكي لك |
يطيح الدمع من شوقي ويكتبلك انا| ناطر |
ينادي لي الحزن بعدك وانا مثله| انادي لك |
تعالي لملمي قلب بغيابك صار |متناثر|
قسى بعدك جميل الوقت جماله في| مراسيلك|
ويصير الوقت ```شي ثاني``` اذا قلتي اجي |باكر |
واذا قلتي اجي باكر حنين وشوق| اهدي لك|
وافرش كل طريقك حب وورد بشوفتك| زاهر|
وانا كلي من الفرحة بدرب الحب | أمشي لك|
وحروف الحب تكتب لك احبك من محب |طاهر|
حبيبي قرب وأمسح دموعي ودي |اشكي لك|
زمان اللهم عذبني وصار بغيبتك |شاطر|
أنا عشقي عبد قلبك وحبي لك| يصلي لك|
وضى بي قصيد الحب وصار بغيبتك |كافر|
أبنثرلك شتات غياب وهذاصدق |نثري لك|
كتبني الشوق بغيابك ...رواية... مالها| أخر|
يبيع الحزن بغيابك ويشري مدري| ششري لك|
ولكن الأكيد ان الحزن في غيبتك| تاجر|
انا كلي حزن بعدك ودمعي لأجل |حزني لك|
وحزني يقتل الفرحة ولكن فرحتي| تكابر|
وش أهدي ياغلا عمري دخيل الله |شهدي لك|
أبهدي لوحة أخلاصي بصدق ويرسمه| شاعر|
قصيد الحب يكتبني ويهدي كل| شوقي لك|
أنا وشوقي وأحساسي نحبك غايب |وحاظر|